الحجاب

السلام عليكم و رحمه الله و بركاته

شلونكم بنات عساكم على القوة اليوم يا بنات

بتكلم عن الحجاب و في عصرنا هذا

نرى التهوان الشديد فيه و بصوره مزعجه ترى الحجاب ستر

و عفاف و الله لما تبدين زينتج ما يعجبون فيج الا اللي

عينه خاينه و لا المراه العفيفه خلها تمشي و راسها مرفوع

و فالله يفتخر بها امام ملائكته في شي احلى من كذا

امانه في شي احلى من كذا و انتي تمشين

تدرين ان الله ينظر اليها بعلامات الرضى و الله

اني لا سمعت كلام عجيب فواحد كان يقول لو كنت عاصي

اتمنى اروح النار مباشره و لا اشوف الله و هو غاضب علي

انا لما حاولت استشعر الموضوع اقشعر بدني من الرعب

اذا كسرني مره كاسه و كان والدج يحب هذا الكاس

وش يكون شعورج مو بالرعب مو تحسين انج ما تبغين تشوفين الوالد فاذا كان طيب ما تبغين تشوفين حزنه و اذا عصبي ما تبغين تشوفين صخطه

فكيف بالرب العباااااااااد خالق السموات و الارض

يا بنات ترى كل شعره من شعرج بيحترق و مو بأي نار

نار جهنم النار اللي احنا نستخدمها هي نار صغرى من نار جهنم تدرين ان الجمره الصغيره اذا دستيها

في نار جهنم طار مخج مثل الفشار هذي جمررررره

اتركي عنج حركات بنات هذي الايام بف و العبايه المخصره

و ريحه العود و العطر واصله لاخر الشارع

وش تحس فيه هذي الانسانه الله اعلم

لا يكون تعتقد انها حلوه بهذي الطريقه انتي

هنا تقلدين اهل الجاهليه زينه مفرطه و انتي مسلمه

اسماً فقط ان كنتي كذا الاسلام

فعل و قول مو اسم يوضع في الجواز او شهاده الميلاد

استري عوراتج و حافظي على عفتج و تذكري رب العباد

استانسي سولفي امشي اطلعي

اشتري و سيري و لكن بأوامر الله

ترى بنات و الله العظيم ان الله ما يحرم شي

الا لمصلحه لنا ناخذ مثلاً الاغاني

تدرين ان امريكا اكتشفت ان الاغاني تدمر

الاعصاب و ينتهي امره بالجنون او الموت الفجأه

و تحريم المعازف كان موجود من عصر الرسول

مو تونا ندري عنه

دمتم بود اختكم زوايا =)

الله يحفظكم حبيباتي دنيا و اخرى