السلام عليكم و رحمه الله و بركاته
شلونكم بنات ان شاء الله بخير عساكم زينات و مرتاحات
كنت افكر بموقف اشاركه معكم عاد ما لقيت الا سفرتي لمكه فديت مكه و اهلها و اهل السعوديه
الله يحفظهم الصراحه شعب فيهم خير و الله
الصورة من موقع آخر
يالله ما في احلى من زيارتي لمكه اول ما دخلت للحرم سرت فاتحه عيني مو قادره
افك عيني من الكعبه كلش كلش
البداية كانت نهايه الفصل و آخر اختبار و رسمنا طريقنا بان اول شي
نروح الحساء لان في مطعم رووووعه يطبخ مندي اذا دخلتوا المطعم بالتصميم ميح مو حلو
بس اكله يا ويلي يهبل و اعتقد اي قطري راح الحساء مر فيه
و بعدين نروح سبع ساعات للرياض بالسياره كنت مع الوالده و الوالد و اثنين من اخواني
و اختي و الخدامه يحليلها كانت احسن خدامه من بين الخمس اللي جبناهم و طولت معنا ثلاث سنين بس ربي ما كتب لقاء ثاني لها
و بالطريق وقفنا في محطه لقطنا انواع الكوافي و الجبس و العصاير
و لكن يا ليل ما طولك ظهري انفصل من مكانه و رقدت و قمت و رقدت و قمت
و ما كو فكه عدنا ما وصلنا و كل خمس دقايق يقول احد منا بكل براءه " متى نوصل الرياض "
و الوالد على اعصابه احسه بيعطي حق واحد منا كف على وجه
محد يكسر خاطري غير الوالد و الوالده عاد الوالده مالها ذنب بس تقعد قايمه تسولف على راس ابوي
لا يرقد بنص الطريق
و احنا بالطريق و ادخل ايدي بكيسه الكوافي !!!!!!
" شنو يا علكم بعصر الهضم قولوا آمين "
اي كلوا الكوافي كلها و انا على اعصابي ما كليت غير سنكر و جلكسي
و تقوم الحرب العالميه الثالثه و كف هنا و بوكس هناك و طراق طاير هنا و ما تسمعون غير صوت الاسنان راصه رص على بعض من القهر
و يصارخ ابوي " بس بس خلاص بس نوصل للمحطه الجايه نشتري "
فديت امي و ابوي من قلبي احسني اعذبهم معاي بكل شي
و بس نوصل ما اسمع غير صوت طرقعات اعظامنا وقت نزولنا و خدامتنا عجوز زين ما راحت فيها
و عيونها سايره منفخه من النوم انا اقوم و انام و تهاوشنا و سببنا ازعاج
بس هي ما تعطل ترقد ان شاء الله جاتنا قنبله هورشيما
و نحجز لنا بفندق و نرقد عاد انا ما فيني نوم ما جاتني النومه غير على الصباح قمنا صلينا
و رحنا نكمل سفرتنا 10 ساعات للطايف << ادري استخفينا من يسويها
و بنص الطريق قمت بعد ما رقت فوق 5 ساعات و اول شي قلته
صبآآآآآآآآآآآآآآآآآآآح الخير و ترفسني اختي و تقول " وجع قصري صوتج احنا مو في الشارع
و بعد احنا مو الصباح قرب الظهر يأذن يا حلوه بعد شوي بننزل نصلي "
و اقعد ازط بذا الكافي و الجبس و اسولف اسولف لهم بس ما في غير اخوي الصغير قاعد بحظني
و يزط وياي و ياليته يزط و هو ساكت لازم يهذر وياي ما يخليني اسرد قصتي على راحتي
من القهر رفسته عند اختي و عطيتهم ظهريو رقدت و قمنا على حدود الطايف
و ابوي ما شاء الله عيونه خرعتنا منفخه و حمرا و حالته لله
و على كل محطه خذا شاي
و نوصل لفندق و احنا وصلنا على العصر بس ما لقينا الفندق الا على اذان العشاء
درنا و درنا و يالله لقينا و بسرعه كنا دايماً نتفلسف على السعر بس من التعب
نبغي الفكه و ناخذ شقه و نرقد انا يوم حطيت راسي على طول رقدت
و نقوم و نتسبح و نتعدل للعمره و فديته اخوي زنوبته صغيررره
اللحين ما شاء الله عود جا اللي اصغر منه و يغطي عليه هههههههههه
و لما وصلنا لمكه وقفنا عند ابراج هلتون و حجزنا عندهم بس الله يهدي الوالد
تأخر و المكيف طافي اخ متنا حررررر
و الوالده معصبببببببه حدها و اللي خلالها تنفجر جاي الوالد مبتسم
بغت تنجلط هههههه و بس نوصل و نحط اغراضنا و نروح لمكه
عاد خلوا التكمله بعدين احبكم
هناك 5 تعليقات:
وعليكم السلام ورحمة الله
ابدااااااع هههههههههه
عادي حنا ندق مشوار من الحسا لمكه 13 ساعه
الوحيد اللي ماينام ابوي مسكين هع
ولا نوقف راحه نبي نوصل وبس
وعلى الشيبسات والحركات تخيلي شرينا خمس كيس وكاكاوات وحركات كلهم خلصوا قبل مانوصل مكه
هههههههههه اوب طبيعيين ..
كملي كملي
ما شاء الله ف1
احنا من بعد ما شخطنا لسوريا بالسياره ض4
كلونا خوالي و ليش و ما في احد يشخطها بالسياره
و اذا اختربت و لا سار شي من بيفزع لكم ف4
ههههه صادقه ما يقعد الجبس و الكافي لازم يخلص قبل ما نوصل
و سبحان الله ربي يستر علينا ما فلسنا بطريق و هذا من رحمته ض4
و مرورج و رد و ياسمين حبيبتي تسلمين س9
تجربه :
ض1 ض2 ض3 ض4 ض5 ض6 ض7 ض8 ض9 س1 س2 س3 س4 س5 س6 س7 س8 س9 ف1 ف2 ف3 ف4 ف5
ههههههههههههههههه
يااااااااه
امووووت بالسسسفر وخصوصا بالسياره روووععةةة
لا واذا كانت مع اهلي شي ثااني ف1 ف1
احس اللي يصير معك يصير معنا هههههههه
وناااسسة رجعت كم سنه ورا وتذكرت السوالف اللي تصير بالسيارة من جد ننام ونصحى كل أشوي .. اللي فاغر واللي ياكل واللي يلعب بجواله ض4 س4
الله يعودها من ايام رووععةة .. س8
والله يتقبل عمرتكم ويسعدكم ويوفقكم ياااارب س8 ف5
تحيتي لكِ ولروحك العبقة س9 ض3
اهلين س9
صدقتي احلى شي هو السفر مع الاهل
و احلى شي اذا سحبنا البطانيه اللي موجوده بصندوق السياره و نقعد انسحبه من بعض و حاله ههههه
و لكن اللي يقهر اذا فصل الخط بنص الطريق يسير ملل و لا اقدر اسوي شي و انا اكثر وحده تحن و تزن بالسفره ض3
إرسال تعليق